Aenium enpresak patente bat laga du dohainik, maskarentzako iragazkiak masiboki fabrikatu ahal izateko mundu osoan.

Sei ingeniarik lan egiten dute Boecillo industrialdean kokatutako startup honetan, zeinak metal eta plastikozko 3D piezak fabrikatzen baititu defentsa eta energia sektorerako eta sektore aeroespazialerako.

Aenium enpresak “bolumen anitzeko energia dentsitate aldakorra” izeneko metodologia garatu du. Sistema hori erabiliz, EOS enpresaren laser-sinterizazioko 3D makina industrial batek (Aenium-ek badu horrelako bat eta kalkulatzen da 1.500 makina inguru daudela mundu osoan) N95 ziurtagiria duten (Amerikako ziurtagiria, Europako FFP2 eta FFP3 ziurtagirien artekoa) 3.000 iragazki inguru egin ditzake egunero.

Hauxe da patente hau dohainik erabili ahal izateko baldintza bakarra: enpresa guztiek dohainik eman behar dizkiote osasun sektoreari patentea erabiliz sortutako iragazkiak. Hala egiten bada, horrek inpaktu handia izango du babes materialak eskuratzeko, bai Espainian eta bai mundu osoan.

Aenium prest dago patente hori lagatzeko hiru astez, eta baita luzaroago ere pandemiaren bilakaeraren arabera.

eldiadevalladolid.com