Munduko Ekonomia Foroak dioenaren arabera, Vietnamek hainbat ekimen jarri zituen martxan otsailaren 1ean COVID-19aren hedapenari aurre egiteko: bertan behera utzi zituen Txinatik zetozen eta Txinara zihoazen hegaldi guztiak, eskolak ixtea erabaki zuen Ilargi Urte Berriaren ondoren, eta joan den hilaren erdialdean 21 eguneko berrogeialdia agindu zuen Vinh Phuc probintzian, Hanoi iparraldean, Txinako Wuhan hiritik (birusaren lehen gunetik) itzultzen ari ziren langile migratzaileen osasunak sortutako kezkagatik.

Vietnam ahalegin proaktibo hauek egiten ari da azken bi hamarkadetan bizi-kalitatea asko hobetu ondoren. 2002 eta 2018 arteko eraldaketa ekonomikoak pobreziatik atera zituen 45 milioitik gora vietnamdar. Herrialdearen per capita Barne Produktu Gordina (BPG) bikoiztu eta are gehiago hazi da, 2018an 2.500 baino gehiagokoa izateraino, herrialdearen benetako BPGak % 7,1eko hazkundea izan zuelarik. Osasuna izan da gorakada handiaren beste adierazle bat: bizi-itxaropena 71 urtekoa zen 1990ean, eta 2015ean 76 urteraino igo zen.

Orain, herrialdera iristen diren pertsona guztiek bi asteko derrigorrezko berrogeialdia igaro behar dute, bertan behera utzi dituzte atzerriko hegaldi guztiak, infektatuta dauden pertsona guztiak isolatu dituzte eta euren kontaktu guztien jarraipena egin da.

Vietnamek alderdi bakarra du, ongi antolatutako zerbitzu eta segurtasun zerbitzu handiak dituena, eta erabaki zentralizatu eta azkarrak hartu ditu. Halaber, oso barneratuta dute zaintzaren kultura, halako moldez non koronabirusari buruzko albiste faltsuak edo desinformazioa zabaltzen ari direnek poliziaren bisita jaso baitezakete: oraingoz, 800 pertsona inguru zigortu dira.

ticbeat.com