Dispositibo honek aplikazio bat du iOS eta Android sistema eragilea duten smartphone-etara konektatzeko bluetooth bidez. Behin konektatuta, erabiltzaileek makilaren konfigurazioa pertsonalizatu dezakete eta hirugarrenen aplikazioak integratu, esaterako, Google Maps.

Makila honekin erabiltzaileak toki batera iristeko argibideak jaso ditzake urratsez urrats. Era berean, posible da zehaztea zein distantziatara detektatuko dituen objektuak telefonoa erabiliz. Besteak beste, bibratu egiten du oztopo bat detektatzen duenean.

Badira ia 100 urte itsuen bizitzan hain garrantzitsua den elementu hori sortu zenetik, eta orain berrasmatu egin da. Istanbuletik datorren berrikuntza hori sortzaileetako baten premien ondorioz hasi zen forma hartzen.

“Itsua naiz jaiotzatik, eta hau garapen garrantzitsua da niretzat. Makila zuria ez da aldatu 100 urtean. Guk aukera bat ikusi genuen makila hobetzeko teknologia erabiliz” esan zion Kürşat Ceylan-ek, egoitza zentrala Istanbulen duen WeWalk konpainiako fundatzaileak, Infobae-ri.

Gaineratu zuen: “WeWalk kontzeptua hackatoi batean sortu zen eta gero denbora bat igaro dugu ikerketa eta garapen fasean”. Dispositiboa produktu bihurtu zen garatzaileak Vestel-ekin lanean hasi zirenean. Kontsumorako elektronika egiten duen enpresa turkiar horrek 26 herrialdetan lan egiten du eta fabrikak ditu Europan.

infobae.com