Indizea elkarrekin argitaratzen dute OMPI-k, Cornell unibertsitateak eta INSEAD negozio eskolak. Indize horretan aztertzen da berrikuntzara orientatutako politikek hazkunde ekonomikoan eta garapenean duten intzidentzia.

Sailkapenak erakusten du zeintzuk diren berrikuntza indize onena duten munduko herrialdeak.
Lehen postuetan daude, esaterako, Suitza, Suedia, Erresuma Batua eta Estatu Batuak, eta azken bi horiek ezagunak dira mundu mailan eta arlo sozialean beren unibertsitateetan egiten den deskubrimendu eta berrikuntza kopuru handiagatik.

Beti pentsatu izan da aurrerapen eta berrikuntza onenak Estatu Batuak eta Erresuma Batua bezalako herrialdeetan egiten direla. Herrialde horietako unibertsitateak -Harvard eta Oxford, hurrenez hurren- ezagunak dira nazioartean. Produktu berri edo hobetu batez dihardugunean, sarritan pentsatzen dugu Estatu Batuetatik datorrela, badakigulako AEBak beti aurretik joan izan direla berrikuntza gaietan, eurek sortu baitituzte, esaterako, ordenagailua, telefono adimendunak edota Facebook gisako sare soziala.

Mundu mailan aipatzekoa da orobat kontinente arteko alderaketa; Europa da buru kasu honetan, 15 herrialde baitauzka lehen 25 postuetan.

Bestalde, esan beharra dago murriztu egin dela berrikuntzako inbertsio maila. Krisia hasi aurreko urteetan %7 inguruan zegoen portzentajea; 2014tik aurrera, ordea, %4 inguruan, maila horretan mantendu delarik orain arte. Aipagarria da lehen postuetan dauden herrialdeetan historikoki inbertsio handiak egin direla eta egiten direla. Azpimarratzekoa da, halaber, herrialde horietan ikasleek txikitatik jasotzen duten prestakuntza-maila handia, zeintzuentzat helburua ez baita ikasturtea gainditzea, baizik eta gazte bakoitzaren talentu guztia sustatzea.

expansion.com