Lehen turistek ateratzen zituzten, are turista itxura handiagoa izateko, eta erabiltzen genituen zehatz-mehatz jakiteko non dagoen Birmania (orain Myanmar) edo kontsultatzeko, Ekuadorretik ez eze, beste zein herrialdetatik pasatzen den ekuatorea. Beti zegoen errepide gidaliburu bat autoko gordetegian, galtzen ginenerako edo galdu nahi genuen kasuetarako.

Eta kaletegia edo metroko planoa baliagarriak ziren gure auzoan bizi ez den adiskide baten etxera joateko. Mapa sakelakoan dago orain. Ia edozein mapa. Hain dauzkagu eskura, ezen askok ia egunero erabiltzen baitituzte. Hain dira zehatzak, hain daude eguneratuta eta hainbeste informazio ematen digute, ezen ia ezinbesteko bihurtu baitira. Eta askoz ezinbestekoago bihurtuko dira. Mapek zuzenduko dituzte beren burua gidatuko duten autoak. Beraz, funtsezkoak izango dira etorkizuneko mugikortasunerako.

Bereizmen handiko kartografia oinarrizko pieza izango da auto autonomoarentzat. Ibilgailu batek bere kabuz gida dezan ez da behar bakarrik teknologia, baizik eta ezinbestekoa da izango da elementu guztiak elkarrekin uztartzea eta adimen artifizialarekin aztertzea: sentsoreak (mugimendua, argia), kamerak, ibilgailuen arteko komunikazioa? ?Maparik gabe, auto batek ez luke jakingo nora joan behar duen, zein den ibilbide azkarrena, zein arazo aurki ditzakeen bidean edo non bete dezakeen gasolina depositua?, adierazi du Edzard Overbeek-ek, Here Maps enpresako zuzendari exekutiboak.

elpais.com