Ant Financial enpresaren Alipay eta Tencent enpresaren WeChat aplikazioek erabat aldatu dute pertsona askoren bizitza finantzarioa. Aplikazio horiek leihatila bakarrak dira, zeintzuen bitartez bilioi erdi txinatarrek askotariko zerbitzuak eskuratu baititzakete, hala nola, ordainketak, maileguak, inbertsioak eta kreditu-ebaluazioak, taxi bidaiak, bidaia erreserbak eta sare sozialak.

Hainbeste saltzen da aplikazio horien bitartez, ezen Alibaba eta Tencent enpresek ongi ezagutzen baitute Txinako enpresa txiki askoren egoera ekonomikoa. Ondorioz, maileguak eman diezazkiekete bankuei arriskutsuegiak iruditzen zaizkien konpainiei. Era berean, kreditu-puntuaketa tradizionalik ez duten pertsonek ere mailegu merkeak jaso ditzakete, Ant Financial enpresak euren ordainketen eta erosketen historiala ezagutzen duelako.

Bien bitartean, Estatu Batuetan eta Europan plastikozko txartelekin eta eskudiruarekin ordaintzen jarraitzen dugu masiboki. Facebook-ek erabiltzaileak behartu ditu aplikazioz aldatzera mezuak bidaltzeko eta lagunen argitalpenetan nabigatzeko. Google Wallet 2011n abiarazi zen, Alipay diru-zorro elektronikoa baino bi urte lehenago, baina zimeltzen ari da ez duelako ia inork erabiltzen. Handik urtebetera Apple Pay aurkeztu zen, baina zaila da hori onartuko duten txikizkariak aurkitzea.

technologyreview.es