Japoniako aire-konpainia batek sistema teknologiko bat asmatu du fisikoki bidaiatu ezin duten pertsonek esperientzia turistikoak bizi ditzaten, beste edozein bidaiarik bezalaxe.

Hauxe da proposamena: robot bat bidaltzea bidaiatu ezin duen pertsonaren ordez. Bidaiari birtuala uneoro egongo da robot bidaiariari konektatuta. Hala, aukera izango du denda, akuario zein museoetara joateko eta instalazio horietako langileekin elkarreragiteko, baina etxetik mugitu gabe.

Newme izeneko robotak pantaila bat du, bidaiari birtualaren aurpegia zein den erakusteko eta bidaiari hori ingurunearekin erlazionatzeko. Erabiltzaileak pantaila jirarazi dezake, robotaren inguruko espazioa edozein angelutatik behatzeko.

Topo egiten duen edonorekin hitz egin ahal izango du, baita urrun bizi diren senideekin ere, maite den norbait bisitatzera edo lagun egitera joan izan balitz bezala.

Esperientzia hori ezin da alderatu benetako bisita batekin, baina lagungarri izan liteke ezgaitasunak dituzten pertsonen edo pertsona nagusien gabeziak arintzeko.

tendencias21.net