Ikerlan horrek aztergai du nolako eragina duten zuzendaritza-gaitasunek oinarri teknologikoko ETEetako berrikuntzaren emaitzetan, eta baita ere nolako papera jokatzen duen goi-zuzendaritzako taldearen genero aniztasunak erlazio horretan.
Azterlana egiteko, ikerlariek Espainiako 205 ETE teknologikok osatutako lagina aztertu zuten, eta hierarkiaren erregresiozko analisi bat ere egin zuten (aztertutako aldagaien arteko erlazioak zehazteko analisi estatistikoa). Emaitzek berresten dute zuzendaritza-gaitasunek eragina dutela bai produktuko eta bai prozesuko berrikuntzan.

Gainera, ?goi-zuzendaritza taldean genero aniztasuna izateak leundu egiten du erlazio hori; hala, zuzendaritza-gaitasunek produktuko eta prozesuko berrikuntzan duten eragina handiagoa da gizon eta emakumeen arteko osaera orekatua duten zuzendaritza-taldeak daudenean? azaldu du Jenny María Ruiz Jiménezek, egileetako batek.

Ikerketa horren bidez hobeto ulertzen da zergatik dakartzaten zuzendaritza-gaitasunek antolakuntza arloko lorpen gehiago, eta argi utzi du zabalago aztertu behar dela goi-zuzendaritzako taldeek eta horien osaerak duten papera, batez ere ETE teknologikoen testuinguruan.
Horrez gain, gaur-gaurko gai bat dakar mahai gainera, hain zuzen, emakumeak enpresen goi-zuzendaritzan daukan zereginarena.

agenciasinc.es