Onuradunak

Industriako, eraikuntzako, garraioko, industriarekin lotutako zerbitzuetako, turismoko eta handizkako merkataritzako ETEak, 10 langile edo gehiago dituztenak.

Diruz lagundu daitekeen egitatea

Diruz laguntzeko modukoak dira enpresarentzat argi eta garbi estrategikoak diren jarduerak, baldin eta erakunde eskatzailearen lehiakortasuna hobetzera bideratuta badaude, honako hauen bidez:

• berrikuntza-proiektuak, erakundearen edozein arlotan (prozesua, produktua, antolaketa, partaidetza, merkatua, jabetzaren babesa...),
• inbertsioak
• nazioartekotzera bideratutako jarduerak,

Proiektu horiek guztiek koherenteak izan behar dute erakundearen negozio-ereduarekin, eta eragin handia izan behar dute. Jarduera horrek planteatutako hiru arloetatik gutxienez bi (berrikuntza, inbertsioa eta nazioartekotzea) hartuko dituen proiektu integral bat izan behar du, eta enpresak Bizkaian duen zentro batean oinarrituta garatu behar da.

Diruz lagundu daitezkeen jardueren artean daude:

a) ETEEen aldeko inbertsioetarako laguntzak: aktiboetako inbertsioa.

b) Aholkularitza-zerbitzuetarako ETEEentzako laguntzak: berrikuntza, inbertsio eta nazioartekotzerako aholkularitza-zerbitzuak.

c) ETEEentzako laguntzak, merkataritzako azoketan parte har dezaten: atzerriko merkataritza-azoketako partaidetza.

d) Ikerketa eta garapeneko proiektuetarako laguntzak: garapen esperimentaleko eta bideragarritasun-azterlanetako jarduerak.

e) Prozesuetako eta antolaketako berrikuntzarako laguntzak: prozesuetako eta antolaketako berrikuntzako jarduerak.

f) ETEEen aldeko berrikuntzarako laguntzak: Patenteen eta beste aktibo ez-material batzuen lorpena, baliozkotzea eta defentsa.