Schneider Electricek eta Women Action Sustainabilityk (WAS) ´Hornikuntza-katea deskarbonizatzea: Net-Zeroranzko funtsezko pieza` txostena argitaratu dute. Bertan, hornikuntza-kateen elkarlotura eta deskarbonizaziorako ekimenetan duten domino-efektua nabarmentzen dira, baita erantzukizun kolektiboa eta hornikuntza-kateko bazkideek karbonoaren neutraltasunaren lorpenean daukaten eragina ere.

Inkestatutako liderren %80ren baino gehiagoren ustez, digitalizazioa funtsezkoa da hornikuntza-katea deskarbonizatzeko orduan. Edonola ere, %33k baino ez daukate euren hornitzaileen karbono-aztarna neurtzeko sistema, eta %6k baino gutxiagok darabiltzate eragina zein aurrerakuntza neurtzeko tresna digitalak.

Horrez gain, txostenean adierazten denez, deskarbonizazioari buruzko elkarrizketa aurrera doan arren, plangintza eta ezarpena azkartu behar dira. Azterlaneko emaitzen arabera, inkestatutakoen %43k ez dute esan zer isuri dituzten 3. irismenean. Gainerako %57ak adierazi egin du zer isuri dituen 3. irismenean, eta munduko batezbestekoak baino jarduera helduagoak garatzen dituela egiaztatu da (gaur egun, CPDri informazioa ematen dioten enpresen %41ek baino ez dituzte hornikuntza-kateko isuriak kontuan hartzen).

Bestetik, txostenaren arabera, oraindik ere ETE-ek 3. irismenerako berariazko erronkei aurre egin behar diete. Mundu-mailako enpresen %90 ETEak direnez (ELGA), funtsezkoa da babesa ematea eta hornikuntza-katean funtsezkoak diren eragile horiekiko konpromisoa handitzea.