ENPRESA PROIEKTUAK SORTU ETA ABIAN JARTZEKO AHOLKULARITZA

Diruz lagun daitezkeen ekintzak

Dirulaguntzaren xede diren ekintzen helburua negozio-plana egitea izango da.

• Lehenengo fasea, enpresaren eta enpresa-kudeaketaren inguruko hastapenei buruzkoa. 30 orduko taldeko prestakuntza da, zeina izan ahalko baita presentziala, erdipresentziala edo telematikoa.
• Enpresa sortzea begirako negozio-plana egitea xede duen banakako aholkularitza-zerbitzua, 40 ordukoa izango da, gehienez, sustatzaile bakoitzarentzat, negozio-plan jakina egiteko.

Entitate onuradunak

• Bizkaiko udal izaerako enplegu eta tokiko garapenerako zentroak, edo organismo autonomiadunak, enpresa publikoak edo haien mendeko edo haiekin lotutako bestelako entitateak.
• Sozietatearen eta zerga-egoitza Bizkaian duten fundazioak, elkarteak eta irabazi-asmorik gabeko bestelako entitateak.
• Euskal Autonomia Erkidegoko unibertsitateak

Diruz lagun daitekeen gauzatze-epea

Dirulaguntzaren xede diren ekintzak 2022ko urriaren 1etik 2023ko uztailaren 28ra bitartean egin beharko dira.

ENPRESAK ABIAN JARTZEKO ETA SORTZEKO LAGUNTZAK

Diruz lagun daitekeen ekintza

Enpresa bat sortzea, abian jartzea eta funtzionaraztea izango dira diruz lagun daitezkeen ekintzak.

Entitate onuradunak

Enpresak, zeinahi dela haien forma juridikoa, enpresaburu indibidualak barne direla, profesionalak, eta ondasun-erkidegoak eta sozietate zibilak eta 2022ko urriaren 1etik 2023ko uztailaren 28ra bitartean alta emandako izatea, egun biak barne, Bizkaiko Foru Ogasuneko jarduera ekonomikoetan.

ENPRESA TRANSMISIOA

Diruz lagun daitekeen ekintza

Funtzionamenduan dagoen enpresa baten gutxienez %80 eskuratzea, enpresen partetik, edozein forma juridiko dutela, enpresaburu indibidualak barne, baita ondasun-erkidegoek eta sozietate zibilek ere, betiere atal honetan ezarritako baldintzak betetzen badituzte.

Horrez gain, betekizun hauek egongo dira:

• Enpresa-transmisioak Barakaldoko DEMA Enpresa Garapenaren baimena eduki behar du, edo I. Ataleko entitate adjudikatzailearena, DEMAren enpresa-transmisioko metodologia aplikatu duena
• Enpresa-transmisioa merkataritza-kontratu bidez egin behar da, eskritura publikoarekin, merkataritzako funts-balioa adieraziz; edo negozio-eskualdaketen kasuan kontratu bidez
• Enpresa-transmisioa egin ondoren, jarduera ekonomiko berbera mantendu beharko da gutxienez urtebetez

Erakunde onuradunak

Negozioa eskuratzen duen erakundea: enpresa, edozein dela ere haren forma juridikoa, barne direla banako enpresaburuak eta ondasun-erkidegoak eta sozietate zibilak.

ENPRESA KONTSOLIDAZIOA

Titulu honen xedea da 2021eko eta 2022ko ekitaldietako autoenplegu-dekretuetan babes hartutako enpresen jarraitutasuna sostengatzera eta kontsolidazioa sendotzera zuzendutako laguntzak arautzea.

Entitate onuradunak

Atal honetan ezarritako onurak eskuratzeko aukera izango dute enpresek, zeinahi dela haien izaera juridikoa, enpresaburu indibidualak barne direla, profesionalek, eta 77/2021 eta 34/2022 Foru Dekretuen kargurako dirulaguntza esleitu zitzaien ondasun-erkidegoek eta sozietate zibilek

Diruz lagun daitezkeen ekintzak

Diruz lagun daitekeen gastutzat hartuko dira 2022ko urriaren 1etik 2023ko uztailaren 28ra bitartean gauzatzen diren ekintza hauek:

• Komunikazio eta marketin arloko plan bat egitea enpresaren jarduerarekin lotuta.
• Enpresaren lehiakortasuna hobetzen laguntzeari begirako digitalizazio-jardueren ondoriozko gastuak.
• Enpresa-jarduera hobetzeko prestakuntza-gastuak.
• Laguntza tekniko espezializatuko zerbitzuak kontratzeak eragindako gastuak, zeinek helburu baitute enpresaren bideragarritasuna hobetzea edo enpresari laguntzen baitiote merkatu- posizionamendua hobetzen, negozioa garatzen, produktua, zerbitzua edo prozesua hobetzeari begirako berrikuntzan, nazioartekotzea bideragarri egiten, erantzukizun sozialean edo ingurumen-inpaktuan