Helburua

• Programa honen helburua da enpresaren esportazio saila sendotzea nazioarteko merkataritzan esperientzia duen langile bat hartuz. Lanaldi partzialeko kontratua egingo zaio 18 hilabeterako.
• Konponbide hori lagungarri izango da enpresarentzat merkatu berrietara irekitzeko edo, dagoeneko merkatu batean sartuta badago, salmentak handitzeko.

Nola egiten da lan?

Kanpo-merkataritzako adituak modu pertsonalizatuan lan egingo du enpresak proiektu osorako izendatzen duen pertsonarekin.

Lehenik eta behin, enpresaren esportatzeko potentziala eta premiak aztertzen dira eta, lortutako emaitzen arabera, Nazioartekotze Plan bat egiten da (edo dagoena egokitzen da, baldin eta enpresak lehenagotik badauka). Plan horixe izango da proiektuak dirauen bitartean jarraitu beharreko ibilbide orria.

Nola proiektua %100 pertsonalizatua den eta enpesaren beharrei egokituta dagoen, ekintzen xedea izango da markatutako helburuak lortzea.

Hona hemen proiektuan zehar garatu ohi diren ekintza batzuen adibideak:

• Enpresaren produktuak/zerbitzuak jomuga merkatura egokitzea. Merkatuko premiak identifikatzea eta aztertzea.
• Banatzaileak bilatzea
• Balizko bezeroak identifikatzea: datu baseak eta bestelako bitartekoak lantzea balizko erosleak identifikatzeko
• Sustapen ekintzak prestatzea
• Bisitak adostea bezero berriekin. Eta posible bada bisitara laguntzea.
• Atzerritik iristen diren kontsultei erantzutea eta kontaktu berriei jarraipena egitea
• Eskaerak eta salmenta ondorengo zerbitzua

Sustatzailearen eta enpresaren arteko harremana merkataritzako kontratuaren bitartez arautzen da.

Cámarabilbao-k laguntza emango die enpresei eta sustatzaileari proiektu osoan zehar. Gainera, programaren ebaluazioa eta jarraipena egingo ditu.

Onuradunak

• Esportazio sail propio bat sortzeko arazoak dituzten Bizkaiko ETEak.
• Denbora tarte zehatz batean eta puntualki beren esportazio sailean langile gehiago sartu nahi dituzten ETEak.

Kostua

• Zerbitzu honek diru-laguntza partziala du eta bere kostua 400 eurokoa da hilean.
• Enpresak zuzenean likidatuko du diru-laguntza hiru hilerik behin.