.... EUSTATek eginiko inkestatik, zeinak 4 kategoriatan banatzen baititu produktuak:

• Maila teknologiko altua
• Maila teknologiko ertain-altua
• Maila teknologiko ertain-baxua
• Maila teknologiko baxua

2014. urteko datuetatik azpimarratzekoa da Bizkaiak maila teknologiko altu eta ertain-altuko produktuen arloan egin dituen esportazioak %16,35 hazi direla aurreko urtearekin alderatuta.
Maila teknologiko altu eta ertain-altuko produktuen artetik, aipatzekoa da 2013arekin alderatuta produktu hauek hazkunde tasa handia izan dutela: produktu kimikoak (%135,7), produktu medikoak eta odontologikoak (%30,7) eta produktu informatiko, elektroniko eta optikoak (%18,8).
Maila teknologiko altu eta ertain-altuko esportazioak hazi egin dira, baina ez da gauza bera gertatzen inportazioetan, %2,9 murriztu baitira.
Maila teknologiko altu edo ertain-altukoen artean sailkatuta dauden produktuak Bizkaiko esportazioen %32,5 izan ziren 2014an, 2013an baino gehiago 2,1 puntu gehiago.
Eta inportazioen kasuan, berriz, maila teknologiko altu edo ertain-altuko produktuak guztizkoaren %35,3koak izan ziren 2014an, aurreko urtean baino 4,3 puntu gehiago.
Esportatzen diren maila teknologiko altuko produktuen jomuga nagusia AEBak izan dira (47.218 milioi euro) eta atzetik, oso hurbil, ditu Erresuma Batua (47.183) eta Frantzia (17.528).
Inportatzen diren maila teknologiko altuko produktuen jatorriari dagokionez, Erresuma Batua da nagusi (35.259 milioi euro), gero AEBak (31.133 milioi) eta ondoren Alemania (22.889 milioi).
Lurralde historikoka, Gipuzkoa izan da maila teknologiko altuko esportazioak gehien ugaritu dituena (2013an baino %33,6 gehiago), ondoren Bizkaia (%11,1) eta segidan Araba (%7,9).
Maila teknologiko altuko inportazioen kasuan ere, hazkunde handiena Gipuzkoan eman da (2013an baino %40 gehiago).