“Bizkaiko Kanpo Merkataritza, Produktuen maila teknologikoaren arabera” txosteneko datuek diote 2018an Bizkaiak maila teknologiko altuko produktuen 316,7 milioi euroko esportazioak egin zituela, beraz, horrek esan nahi du %0,7ko hazkundea erregistratu dela 2017arekin alderatuta.

Produktu horien inportazioak, bestalde, 326,4 milioi eurokoak izan ziren, 2017koak baino %28,4 gutxiago.

Horrelako produktuen esportazioen %25,2k eta inportazioen %18,5k Erresuma Batuan dute jomuga eta jatorria, herrialde horixe delarik gure bezero eta hornitzaile garrantzitsuena. AEBetako merkatua da bigarren bezero garrantzitsuena, %15,9ko eta %8,9ko tasekin esportazioetan eta inportazioetan.

Hona hemen ziurgabetasuna sortzen duten bi faktore etorkizunari begira: bata, Brexit-a eta bestea, gerta litekeela AEBen politika protekzionista batzuk egia bihurtzea.

Maila teknologiko altuko inportazioak %5,8ak izan ziren, 2017koak baino 1,9 puntu gutxiago, urte hartako tasa %7,7koa izan baitzen.

Maila teknologiko altuko esportazioen lurraldekako bilakaerak %1,9 egin du gora Euskadin azken urtean. Inportazioen kasuan, berriz, %15,4 jaitsi dira. Lurraldeka, produktu horien bilakaera onena Gipuzkoan erregistratu da, esportazioak %33,1 hazi direlarik eta inportazioak, berriz, %5,4. Maila teknologiko altuko produktuen Bizkaiko esportazioak euskal esportazio guztien %48 izan dira (2016an %48,6), eta inportazioak, berriz, %45,1 (2016an %53,3).