2020tik bizi ditugun baldintza bereziek ondorioak izan dituzte esparru askotan, eta kanpo-merkataritza ez da salbuespen bat.

Barrixek – Bizkaiko Berrikuntzaren BehatokiakEustatekin batera egiten duen “Bizkaiko Kanpo Merkataritza, produktuen maila teknologikoaren arabera” txostenak erakutsi du kanpo-merkatu teknologikoa oraindik ez dela itzuli pandemia aurreko mailetara aztertutako adierazle gehienetan.

Txostenetik erauzitako datuetatik aipatzekoak dira adierazle hauek:

• Esportazioak: Bizkaiak maila teknologiko altuko produktuen 330 milioi euroko esportazioak egin zituen 2021ean, hau da, 2020an baino % 1,3 gehiago.
• Inportazioak: Maila teknologiko altuko produktu horien inportazioak 284,8 milioi eurokoak izan ziren, 2020koak baino %7,9 txikiagoak.
• Jomuga: Esportazioen % 22,7 AEBetara bideratu dira, eta % 18,8 berriz, Erresuma Batura.
• Hornitzailea: Maila teknologiko altuko produktuen hornitzaile garrantzitsuena Txina da, bertatik inportatzen baitira produktu guztien % 23,9, baina atzeraldi handia jasan du 2020ko datuekin alderatuta, urte hartako inportazioen portzentajea % 39,2koa izan baitzen.

Horrez gain, maila teknologiko altuko produktuen artean aipatzekoa da produktu farmazeutikoen esportazioak % 25,7 hazi direla eta inportazioak % 114,3.

Euskadi osoa kontuan hartuz gero, 2021ean maila teknologiko altuko esportazioen lurraldekako bilakaerak % 7,1 egin du gora; inportazioen kasuan, aldiz, hazkundea % 9,3koa izan da.