Bizkaiak aurreko epealdian baino portaera txikiagoa izan du 2022an patente nazionalen eskaerei dagokienez; diseinu industrialari dagokionez, Bizkaiak 2021ean baino bederatzi gehiago egin ditu, eta hori da jabetza intelektualari buruzko adierazle bakarra non lurraldeak hazkunde nabarmena izan duen, aurreko urtean baino % 52,9 gehiago.

Erabilgarritasun-ereduen eskaerei dagokienez, Lurralde Historikoak oso hazkunde txikia izan du; eta marka-eskaeretan izan da beherakada handiena.

Portaera bera du Euskal Autonomia Erkidegoak, behera egin baitu marka eta patenteetan, eta, aldiz, gora egin du, eta nabarmen, diseinu industrialaren eskaeretan; erabilgarritasun-ereduen hazkundea, berriz, moderatua da.

Aipatzekoa da diseinu indsutrialaren eskaerei dagokienez, 2019ko zenbakiak gainditzen direla, pandemiaren aurretik, jabetza intelektualaren gainerako erregistro-modu guztiak oraindik berreskuratu gabe daudela.

Jarraian, "Patenteak eta Markak Bizkaian – 2022ko bigarren seihilekoa: Jabetza Intelektuala Bizkaian eta EAEn" azterlanetik ateratako datu nagusiak aurkezten dira, bai Bizkaiari dagokionez, bai Euskal AEko gainerako lurraldeei dagokienez, eta zer portzentaje osatzen duten eskaera horiek Estatuko guztizko kopuruarekiko.

PATENTE NAZIONALEN ESKAERAK

2022. urte osoan, Bizkaiko Lurralde Historikoko patente nazionalen eskaerak beherakada nabarmena izan du 2021. urtearekin alderatuta, 30 eskaera izatetik 19 baino ez izatera igaro baita.

Euskal Autonomia Erkidegoan, oro har, aurreko urteetan behera egin zuen arren, azken urte horretan beherakada handia izan zuen: 51 eskaera egin ziren, 2021ean baino hamasei gutxiago.

Euskal AEko patente-eskaera guztiak Estatukoen % 4,13 dira, 2021ean baino % 0,79 gutxiago. ( % 4,92).

DISEINU INTSUTRIALEKO ESKAERAK

2022an egindako diseinu industrialeko eskaerei dagokienez, Bizkaian 26 eskaera egin dira guztira, hau da, 2021ean baino bederatzi gehiago.

Euskal AEn diseinu industrialeko eskaeren kopuruak nabarmen egin du gora 2021ekoekin alderatuta, 45 eskaera egin baitira guztira, 2021ean baino hamahiru gehiago.

ERABILGARRITASUN-EREDUEN ESKAERAK

Adierazle horrek Bizkaian izan duen portaera aldatu egin da: 2021ean, erabilgarritasun-ereduetarako 56 eskaera egin ziren, eta 2022an, berriz, 58. Horrela, aurreko urtean izandako gorakadarekin jarraitu da.

Euskal Autonomia Erkidegoa, oro har, apur bat suspertu da, 2021ean baino hamaika eskaera gehiago egin baitira (126).

MARKA NAZIONALEN ESKAERAK

Marka nazionalen eskaerei dagokienez, 2022ko datuek adierazten dute, euskal lurraldeen artean, Bizkaiak duela marka-eskaera gehien, 800 guztira, baina gainerako lurralde historikoetan bezala, behera egiten du 2021eko datuekin alderatuta. Dena den, zifra hori Euskal AEko marka-eskaeren erdia baino gehixeago da.