Txostenak EAEko industria-babeseko eskaeren bilakaera mistoa nabarmentzen du 2024an. Patente nazionalen eskaerek behera egin badute ere, badirudi enpresek gero eta gehiago aukeratzen dituztela beste babes-sistema batzuk, hala nola erabilgarritasun-ereduak eta marka nazionalak. Hori berrikuntza inkrementalerako eta produktuen etengabeko hobekuntzarako joera gisa interpreta daiteke, eragin handiko berrikuntza disruptiboen ordez.

Patente nazionalen beherakadak, gainera, Europa mailako babesa hobetsi dezake, estaldura zabalagoa eskaintzen baitie nazioarteko merkatuetan hedatu nahi duten enpresei.

Hala ere, zenbait eremutan beherakada izan den arren, Bizkaiak jabetza industriala babestuz egokitzeko eta lehiakor mantentzeko gaitasuna erakusten jarraitzen du.

PATENTE NAZIONALAK: lidergoa atzerakadarekin

Bizkaian eta, oro har, Euskal AEn izandako beherakada gorabehera, eskualdeak presentzia aktiboa erakusten jarraitzen du jabetza industrialaren eremuan, nahiz eta azkenaldiko gehieneko mailetatik urrun egon.

2024an, Bizkaia da liderra Euskal Autonomia Erkidegoko (EAE) patente nazionalen eskaeren kopuruari dagokionez, 7 eskaera gutxiago izan arren, eta atzera egin duen lurralde historiko bakarra da.

ERRABILGATASUN ERDUAK: hazkunde nabarmena

2024ko joera orokorrak erakusten du Euskal AEn Erabilgarritasun Ereduen eskaera suspertu eta hazi egin dela, eta bereziki nabarmentzen da Bizkaian izandako bultzada esanguratsua

2024an, Bizkaiak hazkunde nabarmena izan du erabilgarritasun-ereduen eskaeretan, 2023an 50 izatetik 60ra igo baita, eta kategoria horretan hazkunderik handiena izan duen Lurralde Historiko gisa finkatu da.

DISEINU INDUSTRIALAK: jaitsiera sifnifikatiboa

Diseinu industrialen eskaerei dagokienez, 2024ko joera beherakada orokorra izan da Euskal AE osoan, eta 2024an gehien jaitsi den jabetza industrialeko babes-sistema da.

2024an, diseinu industrialeko 17 eskaera erregistratu ziren Bizkaian, hau da, 12 eskaera gutxiago izan ziren 2023ko kopuruekin alderatuta. Jaitsiera hori gorabehera, diseinu industrialaren arloan eskaera gehien dituen lurraldea Bizkaia da oraindik ere.

MARKA NAZIONALAK: egonkortasuna

Euskal Autonomia Erkidegoak joera positiboa erakusten du marken eskaeran 2024an, hazkunde iraunkorrarekin, nahiz eta 2023an baino apalagoa izan. Bizkaiak lidergoari eutsi dio, baina Gipuzkoa nabarmentzen da eskaeren gorakada handiagatik.

2024an, Bizkaia da oraindik ere liderra marka nazionalen eskaeretan Euskal Autonomia Erkidegoan (EAE), 944 eskaerarekin, 2023an baino zazpi gehiago, eskualdeko guztizkoaren erdia baino gehiago.