2019ko lehen seihilekoan, patente eskaerek apur bat beherantz egin dute Bizkaiko lurralde historikoan, 2018ko lehen sei hilabeteekin alderatuz gero: guztira 17 eskaera egin dira, iazko garai berean baino bi gutxiago.

Gainerako lurralde historikoekin alderatuta, ikusten da Bizkaian aurkeztu direla eskaera gehien, Gipuzkoan (10) eta Araban (6) baino gehiago, alegia.

2019aren lehen erdian diseinu industrialeko zortzi eskaera egin dira Bizkaian, 2018ko epealdi berean baino bi gutxiago.

Erabilgarritasun eredu eskaeren kasuan, bilakaera positiboagoa izan da. Hala, ikus daiteke 25 eskaera egin zirela Bizkaian 2018ko lehen seihilekoan, 31 egin zirelarik 2019ko epealdi berean.

Marka-eskaeren kasuan, aldiz, 2019ko lehen seihilekoko datuek diote euskal lurraldeen artetik Bizkaian egin direla marka-eskaera gehien, guztira 553 (2018an baino 15 gehiago). Euskal Autonomia Erkidego osoan egin diren marka-eskaera guztien erdia baino gehixeago da hori.