Industriak laneskuaren zahartzapenaren tsunamiari aurre egin behar dio, baita belaunaldi berriak zein natibo digitalak erakartzeko eta geratzeko erronkari ere, badirudielako lanpostu horiek ez direla interesgarriak haientzat. Sektore industrialeko arduradunak digitalizazioaren eta automatizazioaren aldeko apustua egiten ari dira, laneskuaren gabeziak estaltzeko, langileak azkar-azkar prestatzeko eta irtenbide zein gailu hobeak eskuragarri jartzeko. Teknologia berri horien guztien ezarpena funtsezkoa izango da hiru zutabe estrategikotan:

-- Inbentarioaren, aktiboen, prozesuen eta langileen unean uneko agerikotasuna. Esate baterako, automobilen fabrikatzaile batek ibilgailu guztien jarraipen eta trazabilitate osoa digitalizatu eta automatizatu du bere lantegian, irrati-maiztasunez identifikatzeko sistemaren bidez (RFID). Horri esker, %50eko hobekuntza lortu du baliabideen esleipenean; eta %10eko murrizketa, giza errakuntzetan.

-- Lehenengo lerroko langileen konektibotasuna. Langile guztiak ondo konektatuta egon behar dira, une egokian informazioa pertsona egokiari iritsi dakion. Horrela, lehenengo lerroko langileek zuzenean jaso dezakete produktuari buruzko beharrezko informazio guztia daraman eskaera bakoitza. Horrez gain, haien gailuak ikaskuntza automatikorako plataformara konektatuta daudenez, erabilera-metrikak zein mantentze iragarleak eskaintzen dizkie.

-- Automatizazioari eta AAri esker lortutako kalitate handiagoa. Teknologia horiek alderdi asko hobetuko dituzte; esate baterako, produktuen kalitatea, erroreak antzemateko prozesua, materialen garraioa, haien jarraipena edo kokapena. Esate baterako, elikagai freskoen fabrikatzaile batek ikuspen artifizialaren bidez robotizatutako picking-sistema ezarri zuenez, gutxi gorabehera %75 gutxitu ditu kostu guztiak, tradizionalagoak diren beste aukera batzuen aldean.

Sektore industrialak automatizazioko eta AAko irtenbide berriak eskaintzen dizkie datuetako ingeniariei, teknikariei, programatzaileei eta zientzialariei, euren lana modu azkarragoan eta eraginkorragoan garatu dezaten. Izan ere, horrelako tresnak darabiltzatenak gainerakoetatik bereiziko dira, lantegietan behar dituzten jakintza eta esperientzia izango dituztelako.

ituser.es