Konpainia espainiarrak Martorrellen (Bartzelona) daukan lantegia izan da dron bidez osagaiak jaso dituen Espainiako lehenengo fabrika.

Sesé Taldearekin batera, zerbitzu aitzindari bat sortu du, Sesé-k Abreran duen zentro logistikoa Seat-ek Martorellen daukan lantegiarekin lotzeko dronak erabiliz.

Lehen piezak joan den asteazkenean iritsi ziren eta, hemendik aurrera, sistema horren bidez jasoko dira konpainiaren muntaia-linearako behar diren bolanteak eta airbag-ak.

Proiektu pilotu horiAireko Segurtasunerako Estatu Agentziak (Aesa) gainbegiratu du eta modu esperimentalean jarraituko du funtzionatzen, egunean hainbat joan-etorri eginaz.

Konpainiak espero du sistema horren bidez produkzio-lineen eraginkortasuna hobetuko duela, gai izango baitira bi instalazioen arteko bi kilometroko distantzia 15 minutuan konektatzeko (lehen distantzia hori kamioiz egiten zen eta denbora gehiago behar zuen).

20minutos.es