Lan horretan sektoreko negozio-ereduentzat esanguratsuenak diren teknologia espezifikoak identifikatu dira, hainbat elementu kontuan hartuta (heldutasun teknologikoa edo sektorerako duen garrantzia), eta betiere oinarritzat hartuz teknologia berriak ezinbestekoak direla egungo errealitate ekonomikora egokitutako hornikuntza-kate bat kudeatzeko.

Lehenik eta behin, azterlanak egungo testuinguru teknologikoa markatu duten bost giltzarri identifikatu ditu: ingurune makroekonomiko konplikatua, merkataritza elektronikoaren eztanda, ingurumen jasangarritasuna, negozio-eredu berriak bilatzeko beharra eta, ondorioz, hornikuntza-katea digitalizatzeko premia.

Oinarri horretatik abiatuta, dokumentuanfuntsezko hainbat alderdi lantzen dira, enpresek ezinbestean kontuan hartu behar dituztenak digitalizatzeko eta berritzeko. Horietako batzuk dira prozesuen ikusgarritasuna, informazio baliotsua sortzea, logistika berdea eta, azkenik, lehiakortasun-abantaila bat lortzea, betiere enpresaren efizientziaren esparruan.

Bukatzeko, txostenak zerrenda batean biltzen ditu eraldaketa digitaleko edozein prozesutan ezinbestekoak diren bost funtzioak, eta baita ere enpresek kontuan hartu behar dituzten alderdiak aipatutako teknologiak ezartzeko orduan, hala nola estrategia diseinatu eta baliozkotzea, ekimenak komunikatu eta hedatzea, lantaldea, hornitzaileak, bazkideak eta bezeroak gaitu eta trebatzea, esperimentazioa eta, azkenik, heldutasun gradua eta lortutako emaitzen neurketa.

cadenadesuministro.es