Industriaren kasuan ere asko zabaldu da digitalizazioa. Izan ere, industriak automatizazioko teknologia berriak eta IIoT darabiltza prozesuak optimizatzeko, sarera konektatutako ekipo bakoitzetik lortzen den informazioaren erabilera egokiari esker.

Nola gailu gehiago ditugun sarera konektatuta, ugaritu egin da informazio hori darabilten aplikazioen kopurua.

Gero eta garrantzitsuagoa da 5G teknologia inplementatzea EdgeComputing sistemak erabili ahal izateko eta, horien bidez, prozesuak denbora errealean administratzeko, eta beharrezkoa da sistema zentralizatu batek emango lituzkeen segurtasun, abiadura, malgutasun, sendotasun eta fidagarritasun berberak bermatzea.

Baina micro data center-ak inplementatu ahal izateko, energia sistema malgu, fidagarri, eskalagarri eta modularretara eboluzionatu behar da lehenbizi; sistema horiek ahalbidetuko dute erabiltzailearen premien araberako hazkunde organikoa, baina alde batera utzi gabe gaur egun eskutik helduta doazen jasangarritasuna, segurtasuna eta zibersegurtasuna. Horrela bermatuko ditugu prozesatutako informazioaren pribatutasuna eta behar den energia babesteko sistema.

Ioi-litiozko bateriak dira energiaren industria irauli duen teknologietako bat. Ioi-litioizko bateriek 8-10 urte bitarteko bizitza erabilgarria dute, mantenimendu gutxiago behar dute, % 40 txikiagoak dira, % 60 arinagoak, eta ez dira besteak bezain arriskutsuak, sistema bat dutelako hainbat akats (gehiegi berotzea edo agente kimikoekiko esposizioa) prebenitzen laguntzen duena. Gainera, erabiltzaileek posible dute jakitea bateriak zein egoeratan dauden, eta erreakzionatu egin dezakete sistemak alerta bat ematen duenean.

Bestalde, micro data center-ek behar duten zibersegurtasun-teknologia inplementatu beharra dago sarea hackeatzeko saiakerak murrizteko, sarbidea erregulatuz eta beharrezko diren software eguneratzeak eginaz.

Azken erronka handia da energia babesteko sistema bat sortzea, ezinbestekoa dena industriaren jarraipena bermatzeko. Kontuan izanik zeintzuk diren industriaren, produktuen eta konponbideen egungo eskakizunak, energia fidagarri, eraginkor, seguru eta jasangarria bermatu beharra dago.

prensariotila