Horrela, aipatzen den aurrerakuntzaren ondorioz, urrutiko lanerantz edo cloud computingerantz migratzen ari gara, baina, horrez gain, egokitzapen teknologikorako eredu adierazgarrirantz ere bagoaz, adimen artifiziala kontuan hartuta, marketin digitalean eta antzeko arloetan, batez ere.

AA, berrikuntzaren sustatzailea

2023a AAren urtea izan da, eta informazioaren teknologietako (IT) inbertsioaren arloan 2030erako zenbatetsi den hazkuntza %864koa izango da. Zenbait berrikuntzak, OpenAIko ChatGPTk, esaterako, funtsezko zeregina izan dute aldaketa horretan. Hori dela eta, marketin digitalaren esparruan eraginkortasun handiena duten tresnetakoa da.

Azken urtean, adimen artifizialeko tresnak merkaturatu dira etengabe. Gertakari horren inguruan sortzen ari den industriaren ondorioz produktuen zein zerbitzuen arteko lehia handiagoa denez, aukerak gero eta handiagoak dira, erabiltzaileentzako kostuak murriztu egin dira eta, nola ez, proposamenak askoz ere espezializatuagoak dira.

Zerbitzuak AA bidez pertsonalizatzea

ETE-entzako berrikuntza nabarienetakoazerbitzuak AAko teknologien bidez pertsonalizatzeko aukera da. OpenAIko marketplaceari esker, enpresek chatbotak eta GPTn oinarritutako beste sistema batzuk sortu ditzakete euren berariazko premien arabera. Hori dela eta, elkarreragina hobetzen da bezeroekin, eta, aldi berean, negozio-aukera berriak ere irekitzen dira.

Enpresek ibilbide argia ezarri behar dute digitalizaziorantz, eta, horretarako, helburu zehatzak zehaztu behar dituzte, baita negozio-arlo guztiak kontuan hartzen dituen ekintza-plana ere.

Pentsamolde analitiko eta sortzailea ezartzeko orduan, funtsezkoa da langileak prestatzea eta motibatzea. Datuetan oinarrituta jardutea eta eredu tradizional subjektiboagoak albo batera uztea izan behar da ikuspegia.

Datuak eraginkortasunez biltzea, biltegiratzea eta aztertzea funtsezkoa da datuak negozio-balio bihurtzeko orduan. Prozesu horretan, hain zuzen ere, funtsezko urratsa da informazioaren lorpena demokratizatzea eta datuen iturriak integratzea.

cincodias.com