Horrek esan nahi du Euskadi berritzaile indartsuen multzoan kokatzen dela, EB-27k erregistratutako batez bestekoaren % 100 eta % 125 bitarteko portzentajea lortu baitu, zehazki, % 111,7koa.Bestalde, Espainia berritzaile moderatuen multzoan sartu da 0,449ko puntuazioarekin,Europako batez bestekoaren % 85,3 erdietsi duelarik.

Berrikuntzako Adierazleen Europako Txostenaren (EIS 2021) bidez jakin nahi dazein gaitasun-maila dutenherrialdeetako ekonomiek berrikuntzarako eta berrikuntza-jarduerak garatzeko.EB-27ko herrialdeak lau kategoriatan sailkatzen dira lortutako puntuazioaren eta Europako batez bestekoarekiko kokapenaren arabera: berrikuntzako liderrak, berritzaile indartsuak, berritzaile moderatuak eta berritzaile gorakorrak.

Berrikuntzako Adierazleen Europako Txostena (EIS 2021) lau jarduera edo bloke nagusitan egituratzen da, zeintzuek beren baitanbiltzen dituzten berrikuntzaren 12 dimentsio eta 32 adierazle.

Zentzu horretan, Euskal Autonomi Erkidegoak Europako batez bestekoa gainditu du hiru bloketan: “MAKRO BALDINTZAK”, “INBERTSIOAK” eta “INPAKTUAK”.

EIS etengabe berrikusten den adierazle-txosten bat da.Urtero aldatzen dira bai kontuan hartzen diren adierazleak, eta bai kalkulatzeko formulak.Ondorioz, ezin da alderaketarik egin aurreko urteetan argitaratutako beste EIS txostenekin.EIS txostenek zortzi urtetako datuak ematen dituzte; hala, EIS 2021 txostenak 2014tik 2021erako datuak eskaintzen ditu, eta 2021aren kasuan eskura dauden azken datuak erabiltzen dira.

eustat.eus