Honela irudikatu zuten 2020a egile literarioek eta futurologoek:

Sarera konektatutako garunak

Geoffrey Charles Ryman idazle kanadarrak 2020an girotutako Air nobelan (2004an argitaratua) imajinatu zuen garun guztiak Internetera konektatuta egongo zirela. Eleberri hartan kontatu zuen nola bizi izan zuten mendiko herrixka txiki bateko biztanleek komunikazio-teknologia berri haren etorrera.

Telepatia eta tele-garraioa

Beste iragarpen batzuk jomugatik urrunago gelditu dira. The Mobile Institute erakundearen fundatzaile Michael J. O'Farrell-ek Shift 2020 argitaratu zuen 2014an, teknologiak gure etorkizunean izango duen inpaktua aztertzen duen liburua. Bertan aztertu zuen nola aldatuko ziren gizakion komunikatzeko, lan egiteko edo negozioak egiteko moduak. “Nano-mugikortasunaren aroan, uste dut telepatia eta tele-garraioa posible izango direla 2020an” zioen liburuak.

Etxe hegalariak

Arthur C. Clarke idazle eta zientzia dibulgatzaile britainiarrak (2008an hil zen 90 urte zituela) biziki atsegin zuen zientzia fikzioa. 80tik gora liburu eta ehunka istorio labur idatzi zituen, The Sentinel eta 2001: a Space Odyssey horien artean ezagunenak. Besteak beste, berrogeiko hamarkadan iragarri zuen gizakia ilargira iritsiko zela 2000. urtean, eta 1966an esan zuen etxe hegalariak izango genituela 2020an.

Janariaren amaiera

Adimen artifizialeko aditu Ray Kurzweil-ek (honoris causa doktorea 10 unibertsitate baino gehiagotan eta “pentsatzeko makina gorena” Forbes aldizkariaren esanetan) bete diren iragarpen zerrenda luze bat dauka. 90ko hamarkadan aurreikusi zuen zein garrantzitsuak izango ziren ordenagailuak gizateriarentzat, Interneten iritsiera iragarri zuen, baita ere teknologia mugikorrarena, eta aurreikusi zuen ordenagailu batek munduko xake jokalari onena garaituko zuela.

elpais.com