Txosten horrek hainbat gogoeta eta ikuspegi jasotzen ditu, bai industriarenak, bai erakundeenak, eta baita ere elikadurako konponbide berritzaile eta jasangarrienak garatzen ari diren mundu mailako startup garrantzitsuenenak.Denek aipatzen dute nolakoak izango diren etorkizuneko elikagaiak, eta ondorioztatu dute sektoreak eraldatu egin behar duela gaur egun dituen erronkei aurre egiteko.Aukeratutako figurak KM ZERO Squad taldeko kide ere badira. KM ZERoSquad enbaxadore-sare bat da, sektorea irauli duten mundu guztiko pertsonak biltzen dituena.

Zentzu horretan, aditu guztiak bat datoz esatean elikaduraren industriak zaindu egin behar dituela baliabide naturalak, eta ekoizpen- nahiz banaketa-prozesuak hobetu behar dituela, ingurunean duen inpaktua ahalik eta gehien gutxituz, plastikoa eta antzeko materialen erabilpena murriztuz, elikagaien hondamena saihestuz, eta elikagai osasuntsu, zaporetsu eta jasangarri berriak sortuz. Horrelako aldaketa bat egiteko, ezinbestekoa da sinergiak sortzea agritech eta foodtech arloetako startup-ekin, punta-puntako konponbide azkarrenak eskaintzen baitituzte aipatu ditugun erronka guztiei aurre egiteko.

Txostenaren ondorio nagusietako bat da inpaktu gehien duen inbertsioa dela agritech eta foodtech arloetan egiten dena, eta nagusitu egin direla nekazaritza eta elikadurako kate osora disrupzioa daramaten proiektuak: hasi landa-eremuan lurzorua leheneratzeko eta nekazaritza adimenduna garatzeko konponbideetatik, eta prozesu industrialak hobetzeko Adimen Artifiziala edo robotika bezalako teknologietaraino.TheTechFoodMagazine aldizkariaren arabera, granjetatik eta hornikuntza-katetik hurbilen lan egiten duten startup-ek kontsumitzailearengana zuzenduta daudenek baino kapital gehiago bildu zuten iaz.

foodretail.es