Berrikuntzaren prozesua misterio bat da. Mota askotako ikerlari ugarik aztertu izan dute, hala nola ekonomialariek, antropologoek, biologo ebolutiboek, ingeniariek? Ahalegindu dira ulertzen nola sortzen den eta zein faktorek bultzatzen duten berrikuntza, etorkizuneko berrikuntzen baldintzak optimizatzeko.

Baina ikuspegi horrek arrakasta mugatua izan du oraingoz. Kontu handiz neurtu da zein erritmotan agertzen eta desagertzen diren berrikuntzak. Ongi definitutako patroiak jarraitzen ditu, zientzialariek eszenatoki desberdin askotan behatu dituztenak. Eta hala ere, inork ezin izan du azaldu nola sortzen den patroi hori, ez eta zergatik zuzentzen duen berrikuntza.

Hori guztia aldatu egin da, Vittorio Loreto-k, Erromako (Italia) Sapienza Unibertsitateko ikerlariak eta bere hainbat lankidek eginiko lanari esker. Lantaldeak sortu duen eredu matematikoak zuzen erreproduzitzen ditu berrikuntzak jarraitzen dituen patroiak. Lan honek ikuspegi berri bat ekar lezake aztertzeko zer den posible eta nola jarraitzen dion posible den horrek lehendik existitzen denari.

technologyreview.es