Energia eolikoa iturri sostengarri garrantzitsua da, baina oso garestia da energia eolikoa ekoizteko behar diren sorgailuak instalatzea, eta hori oztopo handia da sistema orokortzeko. Horixe gertatzen da, hain zuzen, itsaso zabaleko parke eolikoekin, hau da, puntako teknologiako aero-sorgailu handiak eraiki behar dira ozeanoaren erdian eta mantenimendu-lanak egin.

Orain, itsaso zabalean aero-sorgailuak eraikitzeko prozesu berritzaile bati esker (ELISA proiektuaren barruan garatu dena), gainditu egin da energia eolikoari probetxua ateratzea eragozten zuen oztopo hori. ELISA teknologiaren prototipo berritzaileak 5MW ditu, guztiz funtzionala da, eta Kanariar Irletan dago kokatuta. Hauxe da ozeano hondoari lotutako lehenengo itsas aero-sorgailua, garestiak eta urriak diren karga astuneko itsasontzirik erabili gabe instalatu dena.

José Sernak, proiektuko ingeniariak, hauxe esan du: ELISA teknologia aitzindaria da beren kabuz instalatzen diren itsas aero-sorgailuen garapenean. Sistema osoa portuan muntatzen eta martxan jartzen da, baldintza kontrolatuetan; horri esker, industrializatzeko aukerak sortzen dira eta itsaso zabaleko muntaia-lanen arriskuak murrizten dira.

cordis.europa.eu