Joi Ito-k (MIT Media Lab zentrko zuzendariak) eta Ethan Zuckerman-ek (komunikazio teknologia berrien erabilera soziala aztertzen duen MIT Center for Civic Media zentroko zuzendariak) MIT Media Lab Disobedience Award izeneko saria sortu dute. 250.000 dolarreko (235.000 euro inguru) sari bat da, ?desobedientzia eraikitzailea? garatzen duen pertsona edo taldeari emango zaiona. Beren esanetan, desobedientzia eraikitzailea da ?modu etiko eta arduratsuan egiten dena eta inpaktu sozial positiboa duena?. Reid Hoffman-ek, Linkedin sareko fundatzaile eta zuzendari exekutiboak, finantzaturiko sariketa horretan askotariko diziplinek (ikerketa zientifikoa, berrikuntza teknologikoa, eskubide zibilak, adierazpen askatasuna, giza eskubideak, e.a.) parte har dezakete.

Desobedientzia saritzeko ideia 2016ko ekaineko konferentzia batean sortu zen, MIT Media Lab-en. Kasu hartan, ikerketa zientifikoaren muga etikoak, legalak edo sozialak aztertzea zen ekimenaren helburua. Forbidden Research (ikerketa debekatua) izeneko konferentzia hartan, sariketaren antolatzaileek ikusi zuten ?jendeak ulertu nahi duela nola erabil daitekeen desobedientzia modu etiko eta arduratsuan, arauak eta legeak desafiatzeko gizartearen mesedetan?, sariketa berriaren web orriaren arabera.

elpais.com