Proiektuaren lehen fasean, batetik, NASAk erositako Tecnam P2006T modeloa ebaluatu da, parametro batzuk biltzeko eta parametro horien bidez alderaketa bat egiteko hegazkina elektriko bihurtzen denean. Bestetik, erabiliko diren motor elektrikoen probak egin dira, kamioi baten gainean kokatutako hegal moduko batekin.

Bigarren fasean, P2006T modeloaren motorrak kenduko dira, eta jatorrizkoen erdia-edo pisatzen duten motor elektrikoak jarri. Ondoren, egin beharreko probak egingo dira ikusteko hegazkinak nola egiten duen hegan eta, bildutako datuen bidez, modelo estandarrak zekartzan prestazioak bi motorreko bertsio elektrikoarekin alderatzeko.

Baina Maxwell hegazkinaren azken konfigurazioa askoz anbiziotsuagoa da, P2006T modeloaren jatorrizko hegalak kendu eta beste batzuk jarri zaizkiolako, luzeagoak eta estuagoak, non ez bi, baizik eta hamalau motor jarriko baitira.

elpais.com