Bizikletek SIM txartel bat eta GPS bat daukate. Txinan sortu da berrikuntza, eta jadanik hasi da beste herrialde batzuetara zabaltzen.
Sakelakorako aplikazio baten bidez erabiltzaileek QR kode bat jasotzen dute, eta hori erabiliz kalean dagoen bizikleta bat erreserbatu dezakete. Gainera, aplikazioak mapa bat dakar non dagoen jakiteko. Erreserba egitean bizikleta blokeatu egiten da, prest dagoelarik erabiltzailearentzat. Bizikletak SIM txartel bat dauka blokeatzeko eta erabiltzeko unean desblokeatzeko, eta GPS bat ere bai, erabiltzaileak non dagoen jakin dezan. Zerbitzua ordaintzeko ere sakelakoa erabiltzen da.

Txina herrialde aitzindaria da prozesu honetan. 400 milioi bizikletako parkea du, baina erabilera eboluzionatzen ari da. 1980an, lanerako joan-etorrien %63 bizikletaz egiten ziren, baina gaur egun portzentajea %12raino jaitsi da.

Orain bizikleta partekatuen unea iritsi da; zerbitzu hori gobernuko programen bidez sortu zen, eta aukera eman die enpresa pribatuei negozio oparoak egiteko, zeintzuek teknologia berriak baliatzen baitituzte erabilpena zabaltzeko eta orokortzeko.

BigData-Research aldizkariak dioenez, iaz 19 milioi lagunek partekatu zituzten bizikletak, eta CCTVk jakinarazi du aurten kopuru hori 50 milioiraino igotzea espero dela.

tendencias21.net