Prozesuen automatizazioa

AAren aplikazio agerikoenetakoa da. AAk zeregin errepikatuak gizakiek baino modu azkarrago eta zehatzagoan egiten dituenez, enpresen eraginkortasun eragilea handitzen da, eta kostuak ere murriztu daitezke.

Inbentarioaren kudeaketan nahiz bezeroentzako zerbitzuan, AA hainbat prozesutan erabiltzen ari da.

Bezeroen esperientziaren hobekuntza

Era berean, hankaz gora jarri du enpresaren eta bezeroen arteko elkarreragina, datuen azterketaren eta lengoaia naturalaren prozesaketaren bidez AAko sistemek badutelako bezeroen esperientziak pertsonalizatzerik, haien premiei aurrea hartzerik eta gomendio nabariak eskaintzerik.

Hornikuntza-katearen hobekuntza

Hornikuntza-katearen kudeaketa funtsezkoa da enpresentzat. Prozesu horretan, AA erabiltzen ari dira hornikuntza-katea hobetzeko; esate baterako, eskariaren plangintzan, inbentarioaren kudeaketan eta logistikan, besteak beste. Gainera, etorkizuneko eskaria aurreikusten duenez, erosketa-ereduak zehazten ditu, eta bidalketa-ibilbideak hobetzen ditu, esaterako.

Erabaki estrategikoak hartzeko prozesua

Horrez gain, enpresarentzat estrategikoak izan daitezkeen erabakiak hartzeko prozesua hobetzen du. Bestetik, datu-kopuru handiak aztertzean eta ezkutuko ereduak zein joerak zehaztean, AAko sistemek enpresarentzako informazio baliotsua eskaini dezakete.

Datuen segurtasuna eta babesa

Enpresek datu asko eta asko biltegiratu eta biltzen dituzten neurrian, datu horien segurtasuna eta babesa kritikoak dira.

Testuinguru horretan, AA erabiltzen da, mehatxu zibernetikoak antzemateko eta prebenitzeko, jarduera susmagarriak identifikatzeko eta datuen pribatutasuna babesteko.