Ostwestfalen-Lippe Alemaniaren bihotzean dagoen landa-eremu bat da, Westfalia iparraldeko Renania eskualdeko hainbat probintzia hartzen dituena, besteak beste Lippe eta Höxter.

Landa-eremuetako biztanleen parte-hartze prozesu sakon baten ostean, komunikazio digitaleko plataforma bat, “herrixka solidario” bat eta hezkuntza digitaleko programa bat sortu dute. Ostwestfalen-Lippe eskualdeko landa-eremuen eraldaketa digitaleko proiektu honek erakutsi du zein garrantzitsua den sare konektatuak eraikitzea herrien artean ezagutza transferitzeko.

Alemaniak diseinatutako estrategia digitalean funtsezkoa da sarbidea izatea banda zabaleko eta 5G seinalea jasotzeko azpiegituretara. Garraio eta Azpiegituren Ministerio Federalak koordinatzen du banda zabala hedatzeko prozesua, helburutzat harturik 2025erako gutxienez 50 Mbp-ko abiadura eskaintzea landa-eremuetan. 2018aren erdialdean, Alemaniako landa-eremuetako biztanleen %50ek, hots, 2,2 milioi etxe inguruk, ez zeukaten 50 Mbp-ko abiaduran nabigatzeko aukerarik.

Banda zabala hedatzeko estrategiarekin batera, Alemaniako Nekazaritza Ministerioa lanean ari da landa-eremuetako gizartea eraldatzeko, biztanleriaren hezkuntza digitala hobetuz eta zerbitzu adimendunak sustatuz landa-eremuen erakarpen indarrari eusteko.

tendencias21.net