Biribilguneei esker posible da errepideak gurutzatzen diren puntua kudeatzea sarbide guztietan semaforoak jarri gabe edo stop batean gelditu beharrik gabe. Baina trafiko fluxuak orekatuak ez badira, atzerapenak eta auto-ilara luzeak sortzen dira zenbait sarreratan, eta hori etsigarria da gidarientzat.

Valentziako Unibertsitate Politeknikoak (UPV) ramp meter izeneko garraio sistema adimendun bat aplikatu nahi du, dagoeneko atzerriko hainbat autobide eta autopistatara sartzeko erreietan erabiltzen dena, bide nagusia itota dagoenean bertara sartzen den ibilgailu kopurua dosifikatzeko. Beren proposamena da biribilguneetan aplikatzea metodologia propio bat erabiliz.

Sartzeko eskaera gehien dituen bidea ilara-detektagailu batekin kontrolatuko litzateke. Asfaltoaren barruan kokatutako dispositibo magnetiko bat da, autoak detektatzen dituena. Aldi berean, detektagailu hori semaforo adimendun batekin konektatuko litzateke, hain betea ez dagoen baina lehenengoa blokeatzen duen beste sarbide batean kokatua azaldu zuen Mariló Martín-Gasulla ikerlari nagusiak.

elcorreo.com