Beste batzuen ustez, askatasuna eta pribatutasuna galtzen da enpresa batek bere langileei kapsula organismo bat ezartzen badie (dela ateak irekitzeko edo ordenagailura sartzeko), eta zuzenean garamatza gizarte baterantz non teknologia Gobernuen eta enpresen zerbitzura egongo baita hiritarrak kontrolatzeko.

Ez gara Anaia Handia, eta ezin ditugu gure langileak jarraitu txiparekin (...) Ateak irekitzeko edo ordenagailura sartzeko modu errazago bat baino ez da. Eta guztiz borondatezkoa azaldu dio Tim Pauwels-ek, NewFusion enpresako bazkide zuzendariak, Efe agentziari. Enpresa horrek marketin digitaleko softwarea egiten du, eta txip bat ezarri die bere langile batzuei.

Dispositiboa maskotak identifikatzeko erabiltzen denaren antzekoa da; arroz ale bat baino handixeagoa den kristalezko funda bat du, irrati frekuentzia bidez (RFDI) identifikatzeko teknologia eta 868 byte-ko memoria duena.
RDFI teknologia aktiboa izan daiteke, adibidez, jarraitzeko moduko seinaleak igortzen baditu (horrelakoak aplikatzea ohikoa da biltegi industrialetan edo abeltzaintzan) edo pasiboa ere bai, abenduan NewFusion enpresako hamabi langiletik zazpiri ezarri zietena bezalakoa.

Gizakien kasuan, txipa eskuan txertatzen da, hatz erakuslearen eta lodiaren artean, eta matrikula baten moduan funtzionatzen du. Gainera, zenbakia sakelako telefonoko aplikazio baten bidez aldatu daiteke. Ez dauka erabiltzailearen daturik, eta ez du igortzen berau lokalizatzeko seinalerik; konpainia askotan ohikoak diren txartel pertsonalak baino ez ditu ordezkatzen.

Txipa jarri nahi ez dutenek txartela erabil dezakete. Gure langile batzuek, bereziki emakumeek, barruan teknologia berbera duten eraztun edo eskumuturreko bat erabiltzen dute kontatu du Pauwels-ek.
Txipa Txinan eros daiteke, unitate bakoitzak 20 zentimo balio ditu, baina NewFusion enpresak aukeratutakoak Estatu Batuetan fabrikatzen dira, 100 euro inguru balio dute eta instalatzeko set esterilizatu batekin datoz.

deia.com