CaixaBank finantza-erakundeak bere lehenengo “dena toki bakarrean” bulegoa ireki du, astelehen honetan, Valentziako Udaletxeko plazan, non arreta espezializatua eskaintzen baitu bere negozio-eredu guztientzat eta berrikuntza teknologikoak baliatzen baititu, adibidez, aurpegiak ezagutzen dituzten kutxazainak.

80 langileko bulego horrek zerbitzu teknologiko berritzaileak eskaintzen ditu, esaterako, bezeroaren aurpegia ezagutuz eta bere kode pertsonala sartu beharrik gabe dirua ateratzeko aukera ematen duten kutxazainak. Kutxazain horrek baditu erabiltzailearen aurpegia atzemateko eta aurpegiko 16.000 punturaino baliozkotzeko behar diren hardwarea eta softwarea, identifikazio guztiz segurua bermatzeko.

CaixaBank izan da horrelako kutxazainak aurkeztu dituen munduko lehen erakundea eta Valentziako “dena toki bakarrean” bulego honek bost terminal dauzka. Bulegoa bera sukurtsal kontzeptu berri bat da eta bankuaren asmoa da halakoak baliatzea bankuko bezeroen esperientzia errotik aldatzeko kanal fisikoan.

elpais.com