Laugarren iraultza industriala osatzen duten sistema horiek zalantzak sortzen dituzte hainbat arlotan, hala nola, araudi-mailan eta herritar, enpresa eta administrazioen arteko lankidetzari dagokion guztian.Horrela egiaztatu duteLa Vanguardia egunkariko Diálogos atalean parte hartu duten adituek, zeintzuek orobat adierazi baitute Konektagarritasuna dela etorkizuneko mugikortasunerako giltzarria.

González Prats-ek hauxe iragarri zuen eztabaidaren hasieran:“Datozen urteetan konektagarritasunari lotutako iraultza handi bat biziko dugu”.González Prats Cellnex-eko Mobility Lab-eko arduraduna da. Mobility Lab hori esperimentazio kontrolatuko espazio bat da, Bartzelonako Parcmotor Castellolí zirkuituan kokatua dagoena eta lan-esparrutzat duena, batetik, ibilgailuaren konektagarritasuna eta, bestetik, energiaren aldetik sendoagoak, azkarragoak eta jasangarriagoak diren sareko arkitektura berrien garapena.Bere helburua da etorkizuneko mugikortasunaren garapenean lan egiten duten enpresek probak egin ditzatela honako hauekin lotutako teknologiekin: 5G, gauzen interneta, adimen artifiziala, ikaskuntza automatikoa (machine learning) eta mugikortasun-zerbitzu berriak ahalbidetzen dituzten ibilgailu konektatu eta autonomoak.

Cellenex-eko arduradunak 5GMed proiektua ere koordinatzen du. Proiektu horren xedea da eredu bat sortzea 5G modu iraunkorrean hedatzeko eta konektagarritasun-zerbitzu aurreratuak eskaintzea garraio-ibilbideetan -ibilgailuen barruko sentsoreak eta adimen artifiziala bezalako teknologien bidez-, Mediterraneoko korridorean etorkizuneko mugikortasuna garatzeko, Frantzia eta Espainiako mugaren artean.

lavanguardia.com