Une honetan, ehunka milioi maskara ari dira erabiltzen mundu osoan, gehienak erabilpen bakarrekoak. Eta dagoeneko hasi dira kutsadura arazo bat sortzen. Israeleko ikerketa klinikoko enpresa batek fabrikatu dituen maskarak beren kabuz higienizatzen dira eta automatikoki hiltzen dituzte birusak. Eta gainera oso merkeak dira.

OceansAsia eta beste talde ekologista batzuek ohartarazi dute zaborretara botatzen ditugun maskara horiek pilatzen ari direla Asiako hondartzetan, eta baita ere itsas hondoan. Maskara higieniko gehienek bi urte behar dituzte degradatzeko.

Aldiz, maskara honek karbono-zuntzezko geruza gehigarri bat dauka, USB portu bati konektatzen zaiona. Maskara erabili ostean, nahikoa da sakelakoen kargagailu bati konektatzea, zeinak karbono-zuntzezko geruzatik transmititzen den korronte elektriko bat sortuko baitu, geruza hori berotuz. Orduan, karga elektrikoak hil egiten ditu maskaran dauden birus eta bakterio guztiak.

ticbeat.com