Gaur egun uste da ibilgailu elektrikoak izango direla etorkizuneko hiriko mugikortasunaren oinarria, baina ez dugu ahaztu behar ibilgailu hibridoek ere badutela etorkizuna, eta etorkizun hori dagoeneko iritsi dela. Ibilgailu elektrikoek badituzte oraindik gainditu ez dituzten bi desabantaila: autonomia eta kargatzeko azpiegitura eza. Ondorioz, hibridoak izango dira hiritik kanpora ateratzeko aukera onena, baldin eta erraz integratzeko moduko propultsio-sistema errentagarriak garatzen badira horrelako ibilgailuentzat.

Hain zuzen horretarako sortu zen ECOCHAMPS proiektua (European COmpetitiveness in Commercial Hybrid and AutoMotive PowertrainS). Hogeita bost kidez osatutako partzuergo bat -besteak beste ibilgailu arin eta astunak eraikitzen dituzten enpresak (FIAT, Renault, Daimler, Iveco, MAN eta DAF Trucks)- azterketa-lanetan aritu da 2015etik, propultsio-sistemen eraginkortasuna %20 hobetzeko, pisua eta bolumena %20 murrizteko eta, oro har, ibilgailu hibridoak errentagarriago egiteko.

cordis.europa.eu