Krisi sanitarioak ekarri dituen isolamendu sozialak eta hibernazio ekonomikoak, eta Covid ondorengo negozio-zikloen lehen faseetan sortu diren itoguneek (balio-katean, merkataritza globalean eta energiaren hornikuntzan) agerian utzi dute zein beharrezkoa den berrikuntza sektore pribatuarentzat.

Horixe da BCGrenTheMostInnovativeCompaniesin 2021 txostenak atera duen ondorioa. Azterlan horrek erakusten digu multinazional handiak gogo biziz hasi direla teknologia berrietan inbertitzen lehiakortasun arloko erronka berriei aurre egiteko.

Enpresa horien % 75ek -lautik hiruk- 2021eko hiru lehentasun korporatibo nagusien artean sartu dute euren produkzio, merkataritza eta antolakuntza egituren digitalizazioa. Hala, adierazle hori portzentajezko hamar puntu hazi da Pandemia Handiaren urtearekin alderatuta.Aurtengoa du azken hamabost urteetako diagnostikoen gailurra.

Txosten hau egiteko, BCGk inkesta bat egin du goi-mailako teknologien arloko mundu osoko 1.600 profesionalen artean.Inkesta horretan konpainietako berrikuntzako exekutiboen iritziak eta ekoizpen-sektoreetako enpresen boto-kopurua laburbiltzen dira. Ekoizpen-sektore bakoitzeko enpresen boto-kopurua zuzentzeko eta aldatzeko, kontuan hartzen dira Disrupzio Industrialeko Indizea (industria globalen aniztasun teknologikoa aztertzen duena) eta konpainia bakoitzak sortzen duen balorea (hau da, haien itzulera tasa).

Bigarren urtez jarraian, Apple izan da berritzaileena sailkapenean, zeinetan Estatu Batuetako bost bigtechenpresa baitira jaun eta jabe.Apple-n atzetik sailkatu dira Alphabet, Amazon, Microsoft eta Tesla; azken horrek bosgarren postutik bota duSamsunghegokorearra, sei postu igo eta atzean utzi dituelarik, besteak beste, LG, Siemens, Sony, Huawei eta IBM.

Goi-mailako teknologian oso lehiakorrak diren merkatuetako (ez bakarrik AEBetakoak, baita ere Hego Korea, Japonia edo Alemaniakoak adibidez) enpresak dira.Pfizer enpresa farmazeutikoa hamar berritzaileenen artean kokatu da;zalantzarik gabe, bera izan daCovid-19aren aurkako txertoa bilatzeko erlojupeko lasterketari probetxu gehien atera diona. Hala, atzean utzi du BioNTech bazkide alemana, eta urrun geratu zaizkio Moderna (42. postuan) eta AstraZeneca (49. postuan), Covid-19aren aurkako txertoak bilatzeko lehian gehien entzun diren beste bi marken izenak. Sektoreko beste konpainia batzuk ere sartu dira tartean, esaterako, Johnson&Johnson (20. postuan) eta Novartis (36. postuan).

bgc.com