Ikusirik Qingdao-ko portuko terminal automatizatuak, munduko aurreratu eta produktiboenak, arrakasta handia bildu duela, gero eta plan gehiago sortzen hasi dira azpiegiturak robot eta algoritmo bidez kudeatzeko. Enpresa horrek kontrolatzen ditu Bilbo eta Valentziako portuak eta interesak ditu Algeciras eta Bartzelonan ere.

Qianwan 2017ko maiatzean inauguratu zen, hiru urte eskaseko eraikuntza lanen ondoren (ohikoa dena baino bost urte gutxiago). Gai da edukiontziak garraiatzen dituzten munduko itsasontzi handienak hartzeko, 20.000 tonatik gora garraiatzeko gai diren horiek, eta kontrol zentroan dagoen ordenagailu batek gainbegiratzen ditu operazio guztiak. Zirraragarria da prozesuaren jarraipena egitea.

Beso robotikoz osatutako ejertzito batek metalezko kaxa guztiak askatu eta ainguratzen ditu, langilerik gabe funtzionatzen duten zazpi STS garabik lehorreratzen dituzte edukiontziak, 38 ibilgailuk zehaztasun milimetrikoz garraiatzen dituzte, lurrean integratutako 20.000 mikrotxipek marraztutako koadrikula ikusezin batek gidaturik, eta 38 garabi pilatzaile Tetrisean jolasten dira prozesuaren azken fasean, edukiontziak azken jomugara eramango dituzten kamioi tradizionaletan kargatu baino lehen. Ibilgailu horiek zeharkatzen dituzten ateak ere automatikoak dira eta edukiontzi guztiak errekonozitzen dituzte akatsik egon ez dadin.

“Lan kostuak % 70 murriztu dira eta produktibitatea % 30 handitu da. Lehen hirurogeita hamar bat langile behar genituen itsasontzi bat deskargatzeko, bederatzi nahikoa dira orain. Eta ez dira kualifikazio gabeko langileak, baizik eta guztia zentro konputarizatu batetik kontrolatzen duten teknikariak” esan zuen Zhang Liangang zuzendari nagusiak. “Laser irakurgailuak erabiliz eta zehaztasun osoz detektatzen ditugu edukiontziek ertzetan dituzten ainguratze puntuak, beraz, ilunpean ere lan egin dezakegu. Hau da, gauean ere eguneko lan-erritmo bera mantentzen dugu” gaineratu du.

elpais.com