Erakunde onuradunak

Enpresa industrialek eta produktu-prozesu industrialekin lotutako zerbitzu-enpresek eskura ditzakete programa honetan aurreikusitako laguntzak, 5. artikuluaren arabera dirulaguntza jaso dezaketen ekintzak egiteko proiektuak aurkezten badituzte

Diruz lagun daitezkeen jarduketak

1.– Onuradunak egindako birfinantzaketa-proiektuak lagundu ahal izango dira diruz, honako hau egitea ahalbidetzen badute:

– Onuradunaren abiapuntuko egoeraren diagnostikoa egitea.

– Ekintza-plan bat egitea, abiapuntuko egoeraren diagnostikoan oinarrituta, onuradunaren bideragarritasunerako beharrezkoak diren ekintzak gauzatu ahal izateko.

– Ekintza-planean jasotako neurriak gauzatzea, eta, hala badagokio, finantza-pasiboaren birfinantzaketa ahalbidetzea prozesuan inplikatutako hartzekodun guztiekin.

2.– Proiektuan diruz lagun daitezkeen jarduketak bi fasetan egingo dira:

• I. fasea. Abiapuntuko egoeraren analisia eta diagnostikoa egitea, ekintza-plan batean gauzatu beharreko balizko neurriak jasota.
• II. fasea. Ekintza-plana eta bertan planteatutako neurriak gauzatzea, pasibo finantzarioa birfinantzatzeko prozesuan lagunduz.