Entitate onuradunak

Industria, eraikuntza, garraio, industriarekin lotutako zerbitzu, turismo eta handizkako merkataritzaren sektoreko enpresak, 3 eta 100 langile bitartekoak.

Diruz lagun daitekeen egitatea

Diruz laguntzeko moduko egitatetzat jotzen dira ekonomia eta merkataritza suspertzeko proiektuak, merkataritza-orientazio argia duten epe laburreko ekintzen bidez. Diruz lagun daitekeen egitatearen barruan sartuko dira lagundutako berraktibazio-ekintzak garatzeko beharrezkoak diren ekoizpen- eta antolaketa-hobekuntzak.

Diruz lagundu ahal diren proiektuek barnean hartu ahal dituzten ekintzen xedeak hauek izan ahal dira:

a) Enpresaren egungo jarduerari (tradizionala) lotutako salmentak berraktibatzea, epe laburreko emaitzekin. Besteak beste, honako xede hauetara bideratutako ekintza k izan daitezke:

• Merkataritza-jarduerak indartzea.
• Marketin-jarduera berriak, marketin digitala barne.
• Nazioarteko eskaintzak hautematea eta haietatik erakartzea.

b) Enpresaren egungo produktuak eta zerbitzuak merkatu berrietara birbideratzea.

c) Enpresen merkataritza- eta ekoizpen-eraginkortasuna hobetuko duen enpresen bat-egitea edo eskuratzea.

d) Merkatu zabalagoetan lankidetzan aritzeko aliantzak, merkaturatzeko ABEE eta partzuergoen prestakuntza barne.

Burutzeko epeak

Kapitulu honen babesean garatzen diren proiektuak 2021eko urtarrilaren 1etik eta 2021eko abenduaren 31ra arteko epean, biak barne, hasi eta amaitu beharko dira

OKER ZUZENKETA - Bizkaiko Foru Aldundiaren 57/2021 FORU DEKRETUA, maiatzaren 4koa. Honen bidez, 2021eko Suspertze Adimentsua dirulaguntza programa arautzen duten oinarriak eta deialdia onesten dira. Oker zuzenketa. - BAO - 87. zk. 2021, maiatzak 11. Asteartea