Erakunde onuradunak

Agindu honetan jasotako dirulaguntzen onuradun izan daitezke enpresa handiak eta enpresa txiki eta ertainak (ETE), baldin eta erauzketa, produkzio edo eraldaketako industria-enpresak badira edo zerbitzuak (produktu-prozesu industrialari lotuak) eskaintzen badituzte era horretako enpresentzat, betiere laguntza-gai diren inbertsioak Euskal Autonomia Erkidegoan kokatzen badira

Laguntza jaso dezaketen gastuak eta inbertsioa

1.– Enpresen sendotze, bat-egite eta/edo xurgapenerako plana eta eragiketaren bideragarritasun teknikoa, ekonomikoa eta finantzarioa oinarritzen duen ekonomia- eta finantza-plana egiteko eskatzailearen aholkularitza-gastuak.

2.– Sendotze-eragiketa formalizatzeko notariotza-gastuak.

3.– Enpresa eskatzaileak sendotze, bat-egite edo xurgapenerako eragiketari lotuta proposatzen dituen inbertsioak, baldin eta honako baldintza hauek betetzen badituzte, agindu honetan xedatutakoari jarraikiz aplikatzekoak diren baldintzez gain:

a) Kategoria hauetako bateko aktiboak izatea:

– 203 Jabetza industriala eta patenteak.

– 206 Aplikazio informatikoak.

– 210 Lurrak eta ondasun naturalak.

– 211 Eraikuntzak.

– 212 Instalazio teknikoak.

– 213 Makineria.

– 217 Informazio-prozesuetarako ekipamenduak.

– 215 Beste instalazio batzuk.

– 214 Lanabesak.

Emplegua

Bat-egite eta/edo xurgapenerako planek bermatu egin beharko dute bat egindako edo xurgatutako enpresak –baita enpresa xurgatzaileak ere– enpleguari eutsiko diotela. Enpresaren biziraupenerako plantilla-murrizketa bat beharrezkoa izango dela aurreikusten bada, lan-akordio bat egin beharko da, eta akordio horretan jasotako langile kopurua izango da plantilla mantentzen dela egiaztatzeko erreferentzia gisa erabiliko dena