Zientzia eta Berrikuntza Ministerioak dirulaguntza-deialdi berri bat abiarazi du I+G arloko eta produkzioa hobetzera bideratutako proiektuentzat. Proiektu horiek helburutzat izan behar dute larrialdiko produktuen disponibilitatea handitzea, pandemia eragin duen gaitzaren tratamendua hobetzea, SARS-CoV-2 gaitzak infektatutako pazienteen diagnostikoa eta kudeaketa klinikoa hobetzea eta SARS-CoV-2 gaitzaren epidemiari eraginkortasunez erantzuteko balioko duten osasun publikoko neurriak diseinatzen, garatzen eta ezartzen laguntzea.

Zehazki, deialdi horrek mota hauetako proiektuak babestuko ditu:

• Bakarkako I+G-ko proiektuak, honakoei buruzko ikerketarekin lotuak: txertoak, medikamenduak eta tratamenduak, produktu sanitarioak eta ospitaleetako eta medikuntzako ekipoak, desinfektatzaileak eta babes-arropak eta -ekipoak, beharrezko produktuak eraginkortasunez ekoizteko behar diren prozesuetako berrikuntzak. Proiektu horiek enpresa edo teknologi zentroek egin ahal izango dituzte, eta bukatuta egon beharko dute 2021eko urriaren 31a baino lehen.
• Bakarkako inbertsio-proiektuak COVID-19arekin erlazionatutako produktuak fabrikatzeko, zeintzuek berekin ekarriko baitute ohiko produkzio-sistemak hobetzea edo produkzio-gaitasuna handitzea. Proiektu horiek enpresa edo teknologi zentroek egin ahal izango dituzte, eta bukatuta egon beharko dute 2020ko urriaren 31a baino lehen.
• Bi motatako proiektuentzako gehienezko aurrekontu hautagarria 625.000 eurokoa izango da, eta dirulaguntza gehienez 500.000 eurokoa izango da erakunde bakoitzeko, hau da, aurrekontu hautagarriaren % 80rainokoa. Proiektuek bat etorri beharko dute osasun larrialdi egoerarekin, eta aukera eman behar dute epe laburrean inplementatzeko eta martxan jartzeko, egungo egoerari erantzungo dioten emaitza zehatz, goiztiar eta aproposak emanaz.

Deialdi honen guztizko aurrekontua 12 milioi eurokoa izango da eta FEDERen Eskualde Anitzeko 2014-2020rako Espainiako Programa Operatiboaren bitartez kofinantzatuko da. Aurkeztutako proiektuak aldiro ebaluatuko dira esleitutako funtsak agortu arte.

Ezohiko deialdi hau egin da COVID-19ren inpaktu ekonomiko eta sozialari aurre egiteko ezohiko presazko neurrien martxoaren 17ko 8/2020 Errege Lege Dekretuaren arabera, zeina beraizik aldatu baitzen arlo sozial eta ekonomikoan Covid-19 birusari aurre egiteko premiazko neurri osagarriak ezartzen dituen martxoaren 31ko 11/2020 Errege Lege Dekretuaren bidez.