Finantzatu daitezkeen ekintzak.

2017-2020 urtaldirako Zientzia, Teknika eta Berrikuntza Politiketarako Estatuko Planaren barruko ekonomia eta gizarte digitaleko ekintza estrategikoek hainbat neurri hartzen dituzte beren baitan. Neurri horien helburua da teknologia digitalak garatu, sustatu eta txertatzea, ekonomia eta gizartea ingurune digitalerantz bultzatuz; ingurune bat, transbertsalki txertatuko dena enpresa-jardueraren sektore guztietan, eszenatoki nagusi bihurtuz salerosketa ekonomikoetarako, zerbitzu publiko eraginkorrak emateko eta lana eta harreman sozialak antolatuko dituen eredu berri bat definitzeko.

Era berean, Ekintza horren arabera eta aipatu helburuak lortzeko asmoz, ikerketa, garapen eta berrikuntzaren (I+G+B) sustapenerako tresnak abiaraziko dira, helburutzat hartuz berrikuntzako arlo estrategikoak garatzea eta eskaera suspertzea. Horrela, lankidetza publiko-pribatua sustatuko da eta inbertsio pribatua dinamizatuko da enpresetako berrikuntza eta ekintzailetza teknologikoa akuilatzeko eta, bide horretatik, I+G+B-ren sustapen estrategia indartzeko.

Proiektuek bere baitan hartu behar dituzte:

a) Teknologia digitalen garapena, sustapena eta txertaketa, xedetzat izanik eskaera suspertzea. Besteak beste, laguntza emango da sektoreetan trakzio indarra egingo duten proiektuak garatzeko, erakusle eta plataforma desberdinak garatu eta baliozkotzeko hainbat arlo teknologiko eta sektorialetan, eta beroien bideragarritasuna aztertzeko ingurune errealetan. Baita ere proiektu horien emaitzak transmititu, ezagutarazi, zabaldu eta aplikatzeko.

b) Enpresetako I+G+B-ren arlo estrategikoak eta teknologia arloko ekintzailetza garatzea. Besteak beste, lagunduko diren jarduerak izango dira gizartearen erronkei aurre egiteko garapen eta ekintzailetza teknologikoa lantzen dutenak, halako moldez non erronka horiekin lotutako arazo konplexuak lantzeko eta konponbideak bilatzeko ezagutza eta teknologien garapena sustatuko baitute, horretarako baliatuko dituztelarik ikerketa, garapen teknologikoa eta berrikuntza bere zentzu zabalean.

Onuradunak

a) Enpresak

b) Fundazioak, elkarteak (baita ere federazioak, konfederazioak edo halakoen batasunak) eta elkargo profesionalak

c) Tokiko erakundeak

d) Unibertsitate publikoak zein pribatuak, eta horietako institutuak

e) Ikerkuntzako Organismo Publikoak

f) I+G-ko beste zentro publiko batzuk

g) Teknologi zentroak