Helburua

Laguntza hauek finantzaketa emango dute emakumeek lideratutako enpresa berritzaileen enpresa-proiektu berriak martxan jartzeko, baldin eta ikerketa jardueratik abiatuta garatutako teknologiak edo ezagutzak behar badituzte eta betiere negozio-estrategia teknologiaren garapenean oinarrituta badago.Edozein esparru teknologikotako edo sektoretako enpresa proiektuek jaso ditzakete laguntzak.

Hala ere, ez dira deialdi honen barruan sartzen teknologia propiorik garatu gabe nagusiki hirugarrenentzako zerbitzuetan oinarritutako negozio eredua duten enpresa proiektuak.

Erakunde onuradunak

Emakumeek lideratutako enpresa txiki berritzaileak, gehienez ere deialdi honetan laguntza eskaerak aurkezteko epea itxi baino hiru urte lehenago sortuak eta gutxienez 20.000 euroko kapital soziala dutenak.

Laguntzen ezaugarriak

• Deialdi honetako laguntzak diru-laguntzak izango dira.
• Oro har, ekintza baten aurrekontu hautagarriaren % 70eraino finantzatu daiteke, eta erakunde onuradun bakoitzak jaso dezakeen laguntzarik handiena 250.000 eurokoa izango da.
• Ekintzak gutxienez 175.000 euroko aurrekontu finantzagarria izan beharko du.
• Diruz lagundu daitezkeen jarduerak 2023ko urtarrilaren 1etik aurrera hasitakoak izango dira, eta 2023ko abenduaren 31n (proiektuak urtebeteko iraupena badu) edo 2024ko abenduaren 31n (proiektuak bi urteko iraupena badu) bukatuko dira.

Diruz lagundu daitezkeen kostuak

Finantzatuko dira enpresa berritzaile baten enpresa-proiektu berri bat martxan jartzeak berekin dakartzan kostuak.

Gastu hauek finantzatu ahal izango dira:

• Ekipoetan eginiko inbertsioak
• Langileen gastuak
• Materialak
• Kanpoko kolaborazioak / aholkularitza

Beste kostu batzuk, adibidez: alokairuak, hornidurak, kanonak eta lizentziak, patenteen eta jabetza industrialeko beste eskubide batzuen eskaera eta mantenimendu gastuak, aseguruak eta ikuskariaren txostenak eragindako gastuak