Xedea

Agindu honen helburua da euskal turismo-sektoreari laguntzeko eta babes ekonomikoa emateko oinarriak ezartzea, batik bat norbere konturako langileei edo autonomoei, mikroenpresei eta enpresa txikiei, COVID-19aren inpaktua murrizteko eta turismo-jarduera lehenbailehen berpizteari bide emate aldera.

Erakunde onuradunak

Autonomoak, mikro-enpresak eta txikizkako enpresa txikiak, betiere euren negozio bolumenaren jarduera garrantzitsuena turismoa bada, eta ondorio hauek jasan badituzte:

- Jarduera guztiz eten behar izatea martxoaren 14ko 463/2020 Errege Dekretuagatik;

- Edo salmentak % 75 baino gehiago jaistea

Diruz lagundu daitezkeen kontzeptuak:

a) Jarduera garatzen den establezimenduaren (establezimendu bat) alokairuagatiko ordainketa, baldin ez bada eskatzailearen etxebizitzaren parte, ez badago senidetasun harremanik errentatzailearekin, eta espazioa ez bada partekatzen beste enpresa batekin.

b) Jarduera garatzen den establezimendua erosteko hipoteka-maileguen edo mailegu pertsonalen kuoten ordainketa

c) Produktu iragankor edo freskoen hornikuntzarako gastuak, baldin eta 2020ko otsailaren 15etik aurrera eta osasun alarma-egoera indarrean sartu aurretik jaso badira (2020ko martxoaren 14a)

d) Gastu korronte hauek:

1. Energia hornikuntza, telekomunikazio zerbitzuak eta aseguruen primak.

2. Ostalaritza edota turismo arloetako elkarteetako afiliazio kuotak.

3. COVID-19arekin lotutako aholkularitza / kudeaketa zerbitzuen kontratazioa, martxoaren 14tik laguntza-eskaera egiten den arte, gehienez 150 €.

e) 2019ko urtarrilaren 1etik alarma-egoera indarrean sartu bitartean eginiko inbertsioak finantzatzeko maileguen amortizazio kuotak. Kontzeptu honen barruan sartzen dira leasing bidez eskuratutako higiezinak ere.

Laguntzen zenbateko indibiduala

· Aurkeztutako kontzeptu bakoitzaren % 100.

· Gehienezko diru-laguntza: 3.000 € enpresako.

· Aurkeztu eta onartutako gastuen zenbatekoa (BEZ kontuan hartu gabe) ez da izango, inola ere, 750 € baino txikiagoa enpresako.