Onuradunak

Programa honen onuradun izan daitezke egoitza Bizkaian duten eta gehienez 50 langile dituzten enpresa pribatuak, publikoak edo mistoak. Programa jarduera-sektore hauetara zuzendurik dago: industria, ikerketa, teknologiaren garapena, ingeniaritza zerbitzuak, merkataritza, hezkuntza, aseguru-etxeak, hondakinen kudeaketa eta ingurumena, era guztietako aholkularitza zerbitzuak, optikak eta farmazia, eraikuntza.

Programak bi atal izango ditu:

1.- Lehen zatia Compliance Ikasketen Institutuak (IECOM) garatuko du zuzenean: 5 prestakuntza saio emango ditu parte-hartzaileek ikuspegi teoriko-praktiko batetik ezagutu dezaten zeintzuk diren compliance sistema eraginkor baten oinarrizko elementuak, UNE 19601 eta ISO 37001 arauetako edukiekin bat datozenak.

2.- Bigarren zatia kasuan kasuko gaietan adituak diren tokiko bulego profesionalek garatuko dute: laguntza eta orientazio zerbitzuak emango dizkiete programako parte-hartzaileei. Hauek izango dira bigarren fase honetako jarduerak:

• Esleitutako enpresen egoera indibiduala aztertzea.
• Ekintza-plan bat proposatzea UNE 19601 ziurtagiriaren irizpideak betetzen dituen compliance sistema bat inplementatzeko.
• Bakarkako laguntza eta orientazioa ekintza-plana gauzatzeko eta UNE 19601 arauaren arabera ziurtatu daitekeen sistema bat inplementatzeko.

Amaierako ebaluazioa

Programa martxan egongo da 2019ko ekainetik abendura.