ETE berritzailearen ziurtagiria lortzeko, frogatu egin behar da ETEa badela berritzailea. Hori egin liteke, adibidez, patente bat aurkeztuz. Halaber, posible da ziurtagiria eskuratzeko baldintzak betetzea enpresak azken urtean finantzaketa publikoa lortu badu edo beste ziurtagiri ofizialen bat badu (Enpresa Gazte Berritzailearena, Enpresa txiki edo mikroenpresa berritzailearena, edo I+G+B-ren kudeaketa sistemaren ziurtagiri bat).

Espainiako Zientzia eta Teknologi Parkeen Elkarteak aintzat hartuko ditu beste alderdi batzuk ere, esaterako, erakunde batek lankidetza akordioak izatea unibertsitateekin edo ikerketa organismo publikoekin, eta I+G+B-ko proiektuak garatzea haiekin. Era berean, ziurtagiri hori eskuratu ahal izango dute teknologia berriei buruzko proiektuak garatzen dituzten enpresek edo teknologia horiek baliatzen dituztenek euren zerbitzu, produktu edo prozesuak hobetzeko.

Bestalde, konpainia batek ANCESek emandako EBTS zigilu berritzailea edo ETE berritzailearen zigilua badu eta aitortza horiek 2019. urtean lortu baditu, aukera izango du ziurtagiri hau lortzeko. Eta, azkenik, zerbitzu edo produktu, prozesu eta antolakuntzan berritzaile diren ETEek ere eskuratuko dute ziurtagiria.

Hautagaitzak bidaltzea

Ziurtagiri hau eskuratu nahi duten enpresek euren hautagaitzak bidali beharko dituzte euren teknologi parkearen edo berrikuntza sistemako agentearen bitartez. Hautagaitza hori sdiaz@apte.org helbidera bidali behar da. Posta elektroniko berean adierazi beharko dituzte erakundearen izena, IFK zenbakia, web orria, egiten duten jardueraren azalpena, eta zein bitartekarirekin edo teknologi parkerekin dagoen lotuta.

Gainera, posta elektroniko horretan enpresek baimena eman beharko dute euren datuak mailegatzeko eta APTEk sortutako datu-basean sartzeko. Izen-ematearekin batera, paragrafo bat idatzi beharko da azalduz zergatik den ETEa berritzailea.